عليك صلاة الله وسلامه .. شفاعة يا جد الحسنين
ده محملك رجعت أيامه .. هنية واتمليت للعين
كرامة لله يا قاصد مكة ونيتك بالكعبة تطوف
تبوسلي فيها تراب السكة أمانة من مؤمن ملهوف
سالت دموعه وطال دعاه .. في يوم خشوعه ينول مناه
دي قبلتك يا نبي قدامه .. عليك صلاة الله وسلامه
وإمتى عيني تشوف منظركم يا ماذنتين فوق الحرمين
واطول مقام الحجاج اتباركم وشربوا من زمزم بقين
وفي المدينة نالوا القبول .. بنور نبينا طه الرسول
يا بخت زواره بإكرامه .. عليك صلاة الله وسلامه
يا ما أسعد اللي يقف ويكبر على منى وعرفات لله
ويحذف الجمرات ويعبر سايب له متمني هداه
غفر ذنوبه مدى الحياة .. وعاش ينوبه سواه بتقاه
في جاه نبي الهدى ومقامه .. عليك صلاة الله وسلامه
[gdwl]أسمهان ولدت (25 نوفمبر 1917 توفيت 14 يوليو 1944)، مغنية وممثلة سورية / مصرية .. اسمها الحقيقي «آمال الآطرش» وهي شقيقة الموسيقار فريد الأطرش. [/gdwl]
منتدى كلمات الاغاني
موقع وظائف العرب من هنا
