اندق باب البيت عالسـكـّيت كنت وحدي بهالمسا بالبيت
قاعد لحالي راجع حســــــابي
ع سراج صار مخلّص من الزيت
مين عم بيدق ع بابي سألت حالي قبل ما رديت
وصرت استعرض صور اصحاب
مــــرقوا على عيوني بزمان الحب
ومن غير وعي صفيت جنب الباب
تا افتحو وما كـــــــــان عندي قلب
والباب عم بيدق .. و القلب عم بيدق
ايد عم ترجف بلا أسباب
نص شــــقة بابنا شقيت
اندق باب البيت عالسكيت ..
وجمدت لما شفت وجه الضيف
والحكي تخرسن على لساني
ما كان ضيفي خصم حامل سيف
ولا بيننا في تـار انســـاني
كان محبوبي الحبيب ال باعني وحب الغريب
كلمة جفا فلتت من لساني لوين راجع بعد ما فلـّيت
ورغرغو عيونه بدمعات الندم قال سامحني
ماعاد تصدم قلب أكتر ما انصدم معليش صالحني
عمري على غيابك جحيم وعدم من النار ريحني
جيت غسّـل ايديك بدموع الندم
دفعت التمن عالبعد وتربيت...
قلب الحبيب مهما قسي
بيضل يتذكر ليالي حبيبه الماضية
نظرة عتب لا أكتر ولا أقل
بترجع قلوب الحبايب راضية
[gdwl]وديع الصافي (ولد وديع فرنسيس) (1 نوفمبر 1921 - توفي 11 أكتوبر 2019 - مطرب وملحن لبناني. ويعتبر من عمالقه الطرب في لبنان والعالم العربي. كان له الدور الرائد بترسيخ قواعد الغناء اللبناني وفنه، وفي نشر الأغنية اللبنانية في أكثر من بلد. أصبح مدرسة في الغناء والتلحين، ليس في لبنان فقط، بل في العالم العربي أيضًا. واقترن اسمه بلبنان، وبجباله التي لم يقارعها سوى صوته الذي صوّر شموخها وعنفوانها.[/gdwl]
منتدى كلمات الاغاني
موقع وظائف العرب من هنا
